ખીલ માટેના આયુર્વેદિક ઉપાચાર

મૂળાના પાનનો રસ દરરોજ ખીલ પર ચોપડવાથી એક અઠવાડિયામાં ખીલ મટી જાય છે.

જાંબુના ઠળીયાને પાણીમાં ઘસી ખીલ પર લગાવવાથી આરામ મળે છે.

દૂધની મલાઈ અને મીંઢળ મિક્સ કરીને ખીલ પર લગાવવાથી અસરકારક પરિણામ મળે છે.

જાયફળને દૂધની મલાઈમાં ઘસી ખીલ પર લગાવવાથી ખીલ ઝડપથી મટે છે.

નારંગીની છાલ ઘસીને ખીલ પર લગાવવાથી ખીલ ઘટે છે.

લીલા નાળીયેરનું પાણી પીવાથી અને મોં ધોવાથી ખીલ ઘટાડવામાં મદદ મળે છે.

છાશ વડે મોં ધોવાથી ખીલના ડાઘા અને મોં પરની કાળાશ દૂર થાય છે.

રાત્રે મોઢું ધોઈ, ચારોળીને દૂધમાં ઘસી, મોઢા પર લગાવી સૂઈ જવું, અને સવારના સાબુથી ધોવાથી ખીલ મટે છે.

કાચા પપૈયાથી નીકળતી દૂધ જેવી પ્રવાહી ખીલ પર લગાવવાથી ખીલ કાયમી માટે મટે છે.

પાકેલા પપૈયાને છોલી, તેના છંદા મોઢા પર મસાજ કરીને 15-20 મિનિટ રાખવું, પછી પાણીથી ધોઈ, ટુવાલ વડે લુછી કોપરેલ લગાવવાથી મોઢાની કાળાશ અને કરચલીઓ મટે છે.

તુલસીના પાનના રસમાં લીંબુ અથવા આદુનો રસ ઉમેરી, મોઢા પર લગાવવાથી કાળા ડાઘા મટે છે.

પાકેલા ટમેટાને કાપીને, તેની ચીર ખીલ પર ધીરે ધીરે લગાવવી, પછી હળવું ગરમ પાણીથી ધોવાથી ખીલ મટે છે.

લોબાન, સુખડ અને આમળા પાવડર મોઢા પર ચોપડી, સુકાયા પછી લીમડાના પાન નાખી પાણીથી ધોવાથી ખીલ દૂર થાય છે.

કાચી સોપારી અથવા જાયફળને પાણીમાં ઘસી, ખીલ પર લગાવવાથી અસરકારક પરિણામ મળે છે.