પેટના દર્દો નો આયુર્વેદિક ઉપાય

અજમો ફાકી ઉપર ગરમ પાણી પીવાથી પેટનો દુઃખાવો અજીર્ણ અને વાયુ મટે છે.

અજમો અને મીઠું વાટીને તેની ફાકી લેવાથી પેટનો દુઃખાવો મટે છે.

શેકેલાં જાયફળનું એક ગ્રામ ચુર્ણ ગરમ પાણી સાથે લેવાથી પેટનો દુઃખાવો મટે છે.

જમ્યા પછી પેટમાં સતત દુઃખાવો થાય તો તે માટે સુંઠ, તલ અને ગોળ સરખે ભાગે લઈ દૂધમાં નાંખી સવાર સાંજ લેવાથી પેટનો દુઃખાવો મટે છે.

લીંબુના રસમાં થોડો પાપડખાર મેળવી પીવાથી પેટનો દુઃખાવો મટે અને આફરો મટે છે.

ગોળ અને ચુનો ભેગો કરી ગરમ પાણી સાથે લેવાથી પેટનો દુઃખાવો મટે છે.

અજમો અને સંચળનું ચુર્ણ ફાકવાથી ગેસ મટે છે.

કોકમનો ઉકાળો કરી તેમાં થોડું મીઠું નાખી પીવાથી પેટનો વાયુ અને ગોળો મટે.

સાકર અને ધાણાનું ચુર્ણ પાણીમાં પીવાથી પેટની બળતરા મટે છે.

જીરૂ અને ધાણા બન્ને સરખા ભાગે લઈ રાત્રે પલાળી સવારના ખુબ મસળી તેમાં સાકર નાખીને પીવાથી પેટની બળતરા મટે છે.

ફુદીનાના રસમાં સાકરની ચાશણી મેળવી લેવાથી પેટના દર્દો મટે છે. અને લાંબા સમયની આંતરડાની ફરીયાદ માટે આ ઉત્તમ ઈલાજ છે.

ઉકળતા પાણીમાં સુંઠનું ચુર્ણ નાખી તેને ઠંડુ કરી ગાળી તેમાંથી પાંચ ચમચી જેટલું પીવાથી પેટનો આફરો પેટનો દુઃખાવો મટે છે.

એક રૂપીયા ભાર તલનું તેલ અને એક તોલો હળદર મેળવીને લેવાથી પેટની ચુક મટે છે.

રાઈનું ચુર્ણ થોડી સાકર સાથેલેવાથી અને ઉપરથી પાણી પીવાથી વાયુ અને કફથી થતો પેટનો દુઃખાવો મટે છે.

હીંગ, સુંઠ, મરી, લીંડીપીપર, સિંધવ, અજમો, જીરૂ, શાહજીરૂં આ આઠ ચીજો સરખેભાગે લઈ ચુર્ણ બનાવી લેવાથી પેટના દર્દો મટે છે. (હિંગાષ્ટક ચુર્ણ)

સાકરવાળા દૂધમાં એકથી બે ચમચી દીવેલ નાખી દિવસમાં બે વાર પીવાથી પેટના અનેક જાતના દર્દો મટે છે.

રાઈનું ચુર્ણ પાણી સાથે લેવાથી પેટની ચુક અને અજીર્ણ મટે છે.